Bizning maqsad: Nafaqat O'zbekiston Respublikasida, balki butun dunyoda ekologik muammolarni hal etishga ko'maklashish, aholining, ayniqsa yosh avlodning ekologik ongini yuksaltirish va tabiatni asrash ishlarini keng jamoatchilik harakati darajasiga olib chiqish bilan bir qatorda O'zbekiston Respublikasini nafaqat O'rta Osiyoda, balki butunjahondagi eng toza mamlakatga aylantirishdan iborat. Loyiha faoliyati orqali ekologiyani asosiy qadriyatlardan biri sifatida qaror toptirish, volontyorlik tashabbuslarini qo'llab-quvvatlash hamda yashil va barqaror kelajak uchun samarali tashabbuslarni amalga oshirish ko'zda tutiladi.
...
Ekilgan daraxtlar
...
Tadbirlar
...
Jamoa a'zolari
Biz shunchaki yashil dunyoni orzu qilmaymiz, biz uni quramiz. Bizning yondashuvimiz bevosita amaliy harakatlarni texnologik yechimlar bilan birlashtiradi.
EcoHelp “Clean Air of Uzbekistan” dasturi orqali havoni ifloslantiruvchi manbalarni kamaytirishga hissa qo'shadi. Shuningdek, aholiga ekologik transport vositalaridan foydalanishni targ'ib qilish uchun velomarafonlar, piyoda yurish tadbirlari, erkin yugurish va turli xil sport tadbirlari amalga oshiriladi.
Yoshlar va volontyorlar chiqindilarni qayta ishlovchi kompaniyalar bilan bog'lab turuvchi ko'prik vazifasini bajaradi. “Zero Waste Challenge” aksiyalari orqali aholiga chiqindilarni kamaytirish va qayta ishlashning amaliy usullari o'rgatiladi
EcoHelp “Water Saver Campaign” doirasida suvni tejash bo'yicha targ'ibot ishlari olib boradi. Aholi yomg'ir suvini yig'ish, tomchilatib sug'orish va turli xil suvni tejash texnologiyalarini o'rganadi. Ommaviy axborot vositalarida “Har tomchi - kelajak uchun” shiori ostida tadbirlar o'tkazilib, suv resurslarini asrash milliy qadriyat sifatida targ'ib qilinadi.
Oylik hisobotlar va ko'ngillilik imkoniyatlari haqida bilish uchun axborotnomamizga obuna bo'ling.